1 2 3
4 5 6 7

គេង​ពី​ព្រលប់​អាច​កាត់បន្ថយ​អារម្មណ៍​អវិជ្ជមាន និង​ស្រេ្តស

20141217_22d

ក្រុងញូវយ៉ក: មនុស្ស​ជាច្រើន​គេង​មិន​លក់​នៅពេល​យប់​ដោយ​អារម្មណ៍​វិលវល់ និង​តែងតែ​បារម្ភ​នេះ បារម្ភ​នោះ រួមទាំង​ការងារ និង​អាជីវកម្ម​នា​ពេល​អនាគត។ បច្ចុប្បន្ន អ្នក​ចិត្ដវិទ្យា​បាន​រកឃើញ​ដំណោះស្រាយ​ដ៏សាមញ្ញ និង​មិន​ចំណាយប្រាក់​ច្រើន​នោះ​គឺ ឆាប់​ចូល​គេង។

តាម​ការសិក្សា​ថ្មី​ពី​សាកលវិទ្យាល័យ ប៊ីងហាមតុន បាន​រកឃើញ​ថា អ្នក​ដែល​គេង​តិច និង​ចូល​គេង​យប់ជ្រៅ រមែង​កើត​មាន​អារម្មណ៍​អវិជ្ជមាន​ច្រើន​ជាង​អ្នក​ដែល​គេង​ត្រឹម​ម៉ោង​កំណត់​ទៀងទាត់​។

អ្នក​ចូលគេង​យប់ជ្រៅ ឬ​គេង​តិច​មាន​គំនិត​ទុទិ្ទដ្ឋិនិយម​ដែល​ទំនង​ជា​នឹក​ឃើញ​មក​វិញ​នៅពេល​យប់​ដែល​មិន​អាច​គ្រប់គ្រង​បាន​។ ពួកគេ​ក៏​ទំនង​ជា​ប្រភេទ​មនុស្ស​បារម្ភ​មិន​ចេះ​ឈប់ឈរ​នា​ពេល​អនាគត វិលវល់​ពី​រឿង​អតីត​ខ្លាំង​ដោយ​ជួប​តែ​បញ្ហា​ស្មុគស្មាញ​ក្នុង​អារម្មណ៍​មាន​អាការ​សន្ទះសា​ច្រើន និង​ឧស្សាហ៍​ធ្លាក់​ទឹកចិត្ដ​។

ក្រុម​អ្នក​ស្រាវជ្រាវ​សន្និដ្ឋាន​ថា កង្វះ​ដំណេក​ជា​ប្រចាំ​អាច​ឈាន​ទៅ​ដល់​ការ​វិវត្ដ​នៃ​សតិអារម្មណ៍​កាន់តែ​រ៉ាំរ៉ៃ​។

ដំណេក​តិច​ជាង​៧ ឬ​៨​ម៉ោង អាច​បង្កើន​ហានិភ័យ​នៃ​ការ​ឡើង​ខ្លាញ់ ធ្លាក់​ទឹកចិត្ដ ហើយ​ក៏​អាច​ជួប​នឹង​បញ្ហា​សុខភាព​ធ្ងន់ធ្ងរ​ដូចជា ជំងឺមហារីក ជំងឺបេះដូង ទឹកនោមផ្អែម​ប្រភេទ​២ ឡើង​ទម្ងន់​ផង​ដែរ ដោយសារ​តែ​វា​ប៉ះពាល់​ដល់​ប្រព័ន្ធ​ពេលវេលា​តាម​បែប​ជីវសាស្ត្រ​របស់​រាងកាយ៕

ប្រភព៖ postkhmer

© 2018 Khmer Famous. All rights reserved. · Entries RSS · Comments RSS