1 2 3
4 5 6 7

សំណើច រឿង៖ បើឆ្កែលោកអត់បាន ខ្ញុំក៏អត់បានដែរ!

cartoon-postman-running-away-from-a-dog-he-is-dropping-his-letters

លោកឆើត នាំយកឯកសារការងារសំខាន់មួយឈុត ទៅឱ្យលោកប្រធានអគ្គនាយកក្រុមហ៊ុន ស៊ីញ៉េដល់ផ្ទះតាំងពីព្រលឹម ព្រោះមានការត្រូវរៀបចំប្រជុំនៅវេលាម៉ោង ៩។

ពេលទៅដល់មុខផ្ទះប្រធានក្រុមហ៊ុន លោកឆើតចាប់ឈឺពោះបត់ជើងធំឆេវៗ តែលោកខំអត់ទ្រាំ នឹកថា នៅពេលចុចកណ្តឹងហៅប្រធានឱ្យបើកទ្វារ នោះគេពិតជាសុំទៅបត់ជើងភ្លាម ទន្ទឹមនឹងទុកឯកសារឱ្យគាត់ពិនិត្យស៊ីញ៉េ។

ប៉ុន្តែ នៅពេលដែលលោកឆើតចុចកណ្តឹងរោទិ លោកឃើញប្រធានស្លៀកខោអាវដេកនៅឡើយ ហើយកំពុងកាន់ខ្សែឆ្កែដ៏ធំមួយ បង្ហើបទ្វារបន្តិច ប្រាប់មកលោកឆើតវិញថា៖

-<<ថ្ងៃនេះពួកឈ្នូលបម្រើ សុំច្បាប់ទៅលេងស្រុកអស់មិនទាន់មក គ្មានអ្នកណាបណ្តើរឆ្កែឱ្យជុះ! យើងត្រូវតែធ្វើការនេះខ្លួនឯង! សុំលោកចំាមួយភ្លែក! កាលណាយើងបណ្តើរឆ្កែឱ្យជុះរួចសិន សិមនិយាយការ!>>

លោកឆើតដោយខ្លាចប្រធានក៏មិនហ៊ានបង្ខំ ប៉ុន្តែ ក៏នឹកអន់ចិត្តខ្លះដែរ ដែលប្រធានវាយតម្លៃវត្តមានរបស់គេមិនស្មើនឹងឆ្កែរបស់គាត់។ ហើយលោកឆើត ចេះតែឈឺពោះខ្លាំងឡើងៗ ទ្រាំមិនបានក៏ចុចកណ្តើងហៅទៀត ធ្វើឱ្យប្រធានអគ្គនាយក បង្ហើបទ្វារឆ្លើយមកវិញរបៀបចង់មួរម៉ៅថា៖

-<<លោកឯងស្តាប់ខ្មែរបានទេ ថាឆ្កែយើងវាកំពុងឈឺជុះ វាមិនអាចអត់បានទេ យើងត្រូវតែបណ្តើរវាឱ្យជុះរួចរាល់សិន សិមនិយាយការ ម៉េចក៏លោកនៅតែចុចកណ្តឹង?>>

គ្រាន់តែផុតពាក្យព្រមានរបស់ប្រធានស្ទើរមិនទាន់ផង លោកឆើត ដែលប្រឹងទប់ត្បៀតទាល់តែក្រហមមុខ តែទប់មិនឈ្នះ ក៏ធា្លយអាចម៍មកព្រូសៗ ហៀរតាមជើងខោ ចោលក្លិនមិនស្រួលភ្លាម។

ឃើញដូច្នោះ ប្រធានអគ្គនាយក ក៏បែរមកសួរដោយភ្ញាក់ថា៖

-<<វាយ៉ាងម៉េចឯង?>>

-<<បាទៗ ខ្ញុំ ជុះអាចម៍!>>

-<<យី អាលោកចង្រៃ នៅមិននៅ មកជុះអាចម៍ដាក់មាត់ទ្វារផ្ទះអញ?>>

-<<បាទ! ខ្ញុំឈឺពេក!>>

-<<ចុះម៉េចក៏ឯងមិនខំទប់?>>

ម្តងនេះ ទើបឆើតឆ្លើយដោយចង់យំថា៖

-<<សូមលោកប្រធានសួរឆ្កែរបស់លោកមើល៎ បើវាអាចទប់បាន ខ្ញុំក៏អាចទប់បានដែរ?>>

ប្រភព៖ រឿងកំប្លែងស្ងួត

© 2018 Khmer Famous. All rights reserved. · Entries RSS · Comments RSS